♣Shirleyの芝麻綠豆大小事♣: 11月 2008

2008年11月24日星期一

一周食事

上星期三同咗J先生, 小泉同C小姐一齊去咗荃灣悅來酒店既金田日本料理放題食晚餐, 原本個日爭啲要取消架, 因為第二期就黎開工, 所以QS個邊好多野要搞, 但好好彩我地係預訂時間內到達~~

金田地方唔算好大, 但佢地既座位算幾寛敞, 入面除咗有壽司吧外仲有即製鐵板燒~~坐低無耐就點野食囉!!先係叫咗啲刺身, 然後就係鐵板燒, 炸物同埋沙律, 唔知係未急過頭, 食完第一round好似已經有啲到頂, 到咗第二round大家都叫咗好少野食, 大家都係點啲食過覺得幾好食既野~~其中芝士炸年糕同埋佢啲天婦羅真係超正, 新鮮熱辣炸起!仲有佢啲刺身都好新鮮~~

不過食完第二朝又嘔咗一輪, 可能因為長期飲得奶茶太多(以前間公司一日一杯)所以近來個胃都唔係咁好, 好容易反胃同胃酸倒流, 所以之前已經戒咗飲奶茶囉~~

星期五朝早上咗公司上堂, 好失策遲咗十分鐘至上到公司, 所以早餐都無食, 一落咗堂就衝咗去隔離既宜家買咗個熱狗飽餐$10, 比上次八月食時已經貴咗一蚊, 不過十蚊有個熱狗同埋一杯十六安士既汽水, 都算唔錯囉!!

因為太早落堂既關係, 上完堂去咗沙田市廣場行咗一陣, 去一田八下有無野平, 但去到見到好多人同埋發現只有LESS 5%, 就咩興緻都無囉!!原本想食MOS Burger做午餐, 但又唔知食咩好, 諗起M記出咗新麭所以就返咗屯門至買返公司食!!其實之前係大陸既KFC都買過類以既飽食, 好正好好味!!所以M記推出都打算試下~~不過相比之下, 大陸KFC好味好多, 起碼人地啲醬同個蝦餅都好過M記~~所以M記啲新野真係試一次好囉~~

↑M記和風蝦堡

↓深圳KFC至珍七虾堡

2008年11月17日星期一

失業率將惡化　港進入困難期

↑ 估唔到佢都有份去遊行

失業率將惡化　港進入困難期
建造業工人遊行　盼政府救亡
【本報訊】港府明日公佈8至10月的失業率。勞工及福利局局長張建宗相信，本港失業情況會明顯惡化，又形容本港正式進入困難時期。建造業界擔心，澳門工人回流潮會扯高本地失業率，50多名工人昨戴上安全帽遊行到政府總部，促請港府推出救亡措施，包括加快基建工程上馬。

2008年11月13日星期四

睇你仲敢唔敢食KFC?

今期數字周敢爆KFC執垃圾雞賣, 我睇完都怕有排唔敢食囉~~

KFC賣垃圾雞

女助理經理Cindy不但沒糾正員工執垃圾雞賣給客人的陋習，自己還參與其中。
KFC炸雞，對很多香港人來說，既美味又方便。
元朗廣場一間KFC更其門如市，臨近收工也不斷有人客來取外賣，這些客人發夢也想不到，他們口中的炸雞分分鐘來自垃圾筒。
原來該店員工為趕收工，早已熄爐和棄置店內食物，碰到有人臨時臨急趕來，便在垃圾筒中執回炸雞賣給客人。
而店長為求「慳數」，不想重開炸爐浪費資源，遂任由店內員工胡作非為。
於是在垃圾筒內沾滿污物的炸雞，經重新裝入紙盒後，再吃進客人的肚子裡。
西鐵朗屏站附近的元朗廣場，由於交通便利，一直是附近居民的消費熱點，商場內的KFC炸雞店更向來生意不俗，居於較遠處的人也常駕車來取外賣。

親眼目睹店內執垃圾雞來賣，前員工阿全說以後也不敢再食炸雞。

主任阿Wing先伸手入垃圾筒搜索一輪，找到之前棄置的炸雞。

她撥開其他垃圾，並把炸雞拿了出來。

繼而她即迅速把垃圾雞放入外賣紙盒，再準備轉售給客人，而店內其他職員目睹整個過程。

垃圾筒執雞
上週，曾任職元朗廣場KFC的外賣送貨員工阿全，向本刊交來手機片段，聲言要踢爆該店黑幕。該段影像拍得非常清晰，可清楚看見該店的女主任阿Wing，正在垃圾筒內拼命翻找，最後徒手將一件炸雞從垃圾筒中拾上來。
由於炸雞還黏住其他已棄置的食物盒，女主任將食物盒「fing」開後，再將執起的炸雞裝入另一個乾淨食物紙盒，之後就轉身離去交給客人，店內來回走動的員工都有目睹，其間有員工更若無其事開玩笑說：「以後唔敢再叫雞……」而阿Wing像不當一回事似的，並
開玩笑的同事不要阻礙她去執「垃圾雞」。
阿全今趟肯挺身而出爆料，就是因為不滿該店的管理層對食物的處理手法。
「為何不直接向總公司反映及投訴？」上週三，當記者與阿全初見面時便問他。
「無用，之前有客人打去公司投訴熱線投訴食物有異味，點知店長『家琦』有老死做投訴熱線，單嘢未上到總公司已俾人截
啦，我哋做車手（外賣），職位同人工都低，唔做咪算數啫，不過係不忿佢
咁離譜，根本無諗過要改善，仲成日咁執垃圾賣俾人食……」阿全怒氣沖沖強調，片段是千真萬確之餘，手上還有其他店內員工執垃圾片段，更說有需要時，願意挺身而出做證人，頂證一切，「唔單只我一個，仲有其他車手同店內員工都可以作證。」

元朗廣場KFC每晚推出來的垃圾車，內有一些完全未食用過的家鄉雞。
投訴無門發生垃圾筒執雞再賣給客人事件，原來是因為員工懶散及要應付總公司定下來的損耗限額。這間元朗廣場的KFC，星期一至日，晚上十時關門，但往往未夠鐘，店內員工已急不及待開始收工的清潔程序，當中包括丟掉賣不去的剩餘食物。由於外賣時段同樣至晚上十時，若有客人臨近收鋪前才落外賣訂單，店內員工為免重新炸雞，只好從垃圾筒「摷」回食物給外賣客人。
「為何不等至晚上十時後才丟棄剩餘食物？」記者問阿全。「清潔都要搞半個鐘，唔早完事變阻收工，班後生仔個個收工有節目。況且有時係根本唔夠件數或種類應付外賣單，咁唯有到垃圾筒執番之前炸壞或污糟雞，唔通仲重新開爐去炸番
兩件雞咩？」阿全還說上年入職後不久，由於他不識「規矩」，故他成了受害人之一。
「初初唔知頭唔知路，收工後仲有食雞，不過發覺食緊雞時，同事陰陰嘴笑，後來經傾得埋同事提點，之後我都唔敢再食。」阿全表示，由於公司限定了每間分店的損耗額，故分店的管理層為了保住職位及每季的分紅等，他們大多不願為了那一、兩張的外賣訂單而去開爐炸雞浪費資源，「炸多雞同已丟棄雞，加加埋埋，兩條數就好大，反而，將丟棄俾客人，咁就慳番唔少，而且唔阻收工。」
阿全透露，即使重新開爐炸雞，過程大約只是廿多分鐘，但對趕收工的同事來說，從垃圾筒「執雞」總好過又再花多廿分鐘時間，「時薪大約得十五蚊，好多同事寧願準時收工，都唔願賺多幾蚊。」

片段中所見，在垃圾車旁的Cindy，不理會餐盒沾了污水，亦照樣拿入店內賣給客人。

穿紅衫制服的KFC員工，整個人蹲在垃圾車內「尋寶」，當找到先前掉了的薯蓉、白飯及沙律的套餐，他即時交給Cindy。

每晚元朗廣場的KFC員工會將垃圾車推出外，但當遇上有外賣訂單時，垃圾車內的雞就大派用場。

在KFC集團的寫字樓內，助理市務經理Selina與兩位同事看完兩段片段後，均木無表情。
垃圾車仔搵大餐
阿全為了證實他的舉報，上週五晚，他將現任同事所拍的另一段片，交給記者查看。從片中見到，一名男員工甚至奉命整個人蹲了入店旁邊的大垃圾車內「尋寶」，女助理經理Cindy則在旁指指點點，當他找到一盒盒已丟棄的薯蓉套餐後，就即時交給在旁等候的Cindy，而Cindy接了數個餐盒後，便轉頭走回店內，她根本沒理會垃圾車內污水充斥的噁心場面，也不理會餐盒面還沾了污水的不潔狀況。
阿全表示，由於上行下效及同事們的?生意識日益鬆懈，元朗廣場的KFC員工已漸將變態的行為視為常態，當他看不過眼，出言相勸時，竟落得被刪減工時，最後他憤而辭職。「唔單只我一個走，仲有其他人，唔信你可以問問其他已離職員工。」
為花紅執臭雞
據另一位KFC經理透露，KFC是以營業額將各店鋪以ABCD四級來劃分，元朗廣場的分店在閒日約有三至四萬元營業額，週六及日則約有六至七萬元營業額，故屬第二級的B類鋪，為了升上A級鋪博取更多花紅，該店管理層難免要招數盡出，即使店長家琦知悉下屬將垃圾家鄉雞賣給客人，她也會視而不見，反正下屬求方便，她求交數，大家都有好處。「間間KFC分店條雞數都係負數，有人搏表現及想俾分區經理賞識，咪將損耗量刻意做低，甚至將本應要丟走雞都當好雞賣，減少損耗之餘，又可省卻成本，一舉兩得，條數做得靚，分店就好有機會升級。」該位KFC經理解釋，因不同區域及不同鋪面大細因素影響，故總公司衡量分店管理層的表現時，會以多項數據的綜合表現為準則，假如營業額高，但同時損耗量也巨大，則不屬好的整體表現。

在元朗廣場KFC內，大啖咬
家鄉雞的顧客，做夢也想不到有可能是食「垃圾雞」。
「我有同店長講過，佢好似唔當一回事，佢都親眼見過，無理由唔知，可能為升上A級鋪，想花紅分多啦。」阿全指出A級鋪管理層的每季花紅，比B級鋪的約多出數千元。
本週二早上，記者分別到元朗廣場的KFC及KFC總公司求證，在元朗廣場店內的Cindy，死口不認曾在垃圾車內拾回食物及將之出售，後更記者到總公司投訴，而總公司的員工則推說集團CEO黃錦鴻剛巧不在公司。在幾經轉折下，記者才能與女助理市務經理Selina會面，並將有關的片段給她細看。她看完片段後，只一味口窒窒地說，「咁樣好難斷定佢度執緊乜，不如咁啦，你留低兩段片，等我
慢慢去研究先啦！」
至於以前有沒有收過類似的投訴，Selina則斷言說沒有，也不肯詳細解釋，記者再追問會否徹查並向客人道歉，她也全無回應。
九月時，美國KFC總公司曾高調地，以嚴密的保安及裝甲車來運送，創辦人桑德斯上校親手用鉛筆寫下的十一種香辛料名稱和調配比例的程式，但相隔不夠兩個月的時間，元朗廣場的KFC員工卻爆出在垃圾筒執雞來賣。
沒不適難索償
據梁永鏗律師表示，即使客人後來知悉食了不潔或不是依正確程序處理的食物，若沒有任何損失，如因此而身體不適需住院或留醫等，該客人是很難向有關食肆進行民事索償，「因為無損失，即係無得索償，不過客人可以去食環署等部門投訴，當係另一途徑去討回公道。」
撰文：竇至鋒、雷彬
攝影：韋平、田俊mailto:news@nextmedia.com

2008年11月12日星期三

搞笑篇~~

今日老細同我講第二期會係1/12開工啦, 提醒我要諗下有咩預備工作!!
到咗下晝五點鐘, 突然靈光一閃, 第二期開要拜神喎?咁我就同老細講, 第二期開係未要拜神?我老細即刻哭笑不得咁問我點解突然間諗到第二期要拜神?咁我又答佢, 你叫我諗下第二期開工前有咩準備嘛, 我未諗到要拜神囉!!我老細都笑晒~~
跟住我出到黎坐係自己個位都覺得自己好攪笑?咁多野唔諗居然諗拜神?唔通我真係咁神婆?

2008年11月11日星期二

澳門政府明年再派錢

澳門行政長官何厚鏵宣布，將於明年上半年實行新一年度的現金分享計劃，發放金額原則上不低於今年的標準。
何厚鏵今日下午在施政報告中宣布有關措施。
澳門政府去年向持有有效或可續期的澳門居民身分的人士派錢。每名澳門市民可獲派錢5000元，非永久居民3000元。

學下人啦曾特首, 與其將個六千蚊掉入咸水海(強積金)/加綜援, 不如現兜兜派俾我地啲小市民仲好啦!!!

2008年11月6日星期四

Mr. Steak Buffet a la minute

尋日放工出咗省，因為約咗郭大小姐預早慶祝她的生日!!真係好耐無出香港啦，發覺好多鋪頭唔係摺咗就係轉咗第二間鋪，有時覺得好似自己有廿年無出省咁，以後要出多啲黎至得!!

郭大小姐餐生日飯度咗好多地方，最後決定去以前食過既Mr. Steak Buffet a la minute，因為前年我生日時郭大小姐請過我去食飯嘛!!印象都ok，同埋宜家Mr. Steak Buffet a la minute做緊推廣，15/11前有折，都幾抵!!!不過可能因為有折所以都好多人食吖!!加上去啲位得好少，兩位既客人全部坐係門口旁邊，距離拎野食既地方都幾遠!同埋覺得今次無上次咁好食!!不過偶然一次，唔緊要啦!!

食完呢餐肚疴咗一次(可能係啲鵝肝太生??)，今朝嘔咗兩次(每次食完buffet都係咁，所以我除咗唱K都好少會去食buffet!!雖然K buffet都會~~)