一首歌三個版本

最近經常聽的是梁靜茹的歌，很喜歡她在"敗犬女王"的主題曲"沒有如果"，不過好多人話佢呢首歌係抄大嘴巴的"永遠在身邊"，老實講，兩首歌我個人覺得唔係好似，旋律都係輕快，但同原作青山瑪黛的"留在我身邊"相比，永遠在身邊無疑是全改篇自"留在我身邊"，反而梁靜茹就沒有那麼相似，不過如果以好聽來講，平心而律，梁靜茹同青山瑪黛的最好聽，大嘴巴的主唱愛紗係日本人，中文亦講得不錯，但始終唔係流利，所以起來怪怪的!或者大家可以聽下三者誰最優異?
青山瑪黛"留在我身邊"青山テルマ- そばにいるね

梁靜茹"沒有如果"

大嘴巴"永遠在身邊"

初六啟市，開工大吉!!

放咗六日漫長既年曆假後又要開工囉，老實講，放咗咁多日假反而想返工，呢啲正所謂"賤骨頭"也!
今年新年除咗逗利是同拜年都無咩特別，初二同表弟表妹阿姨玩擲骰仔都叫無輸贏啦，萬幸!
今日公司開工拜神，尋日已經買定啲寶料，今朝早一早去十八拎車趕住去買生果，點知開車無耐已經聽到啲嘶嘶聲，去到大閘立即落車睇下，原來左邊後面條軚無晒氣吖，可能本身已經開始漏氣，但無為意，過咗新年六日，啲氣都漏晒囉!即時棟咗係度，因為我同其他好多女人一樣，唔識換軚!!!!由於太早既關係，唯有企起殊等啲司機返黎幫我換軚，好彩條士啤軚無問題咋!!換好就即刻去買生果，返到公司身水身汗，超攰吖!!(雖然好黑仔咁，但換另一個角度睇，逗咗幾封利是，hehe!)
返到去又要安排拜神又要幫PIC派開工利是，跟住仲要出去新屯中車啲燒味同埋個師傅返公司!拜完神大家開始食囉，但到一半至發現--未化寶吖!!HAHA!大家上完香就掛住食添!啲燒味都好好食，但啲雞同鴨最受歡迎!
食完執晒啲野，我都無走吖，因為想計埋啲petty cash同埋入埋啲信，都晏咗走! 開工第一日，做下野至似樣嘛!
祝大家牛年快樂，身體健康，財源廣進!

收爐, 初六啟市~~

失望，灰爆!

雖然一早預咗，但都希望有奇跡，但結果係......NO!!!

新年悠長假期

今年農曆新年將會放六日假吖~~尋日公司出咗memo, 初一至初四放有薪假, 不過初五就要扣大假, 不過用一日大假換兩日假期, 應該算抵掛?
出黎做野咁耐, 今年會係放得最耐, 以前WF做時, 新年都選擇返去開工, 一來因為人工雙計, 二來因為想拍擋唔駛返咁長. 不過轉咗黎BK之後, 舊年新年假就唔駛理咁多, 可以盡情放假囉~~
原本我都諗住年廿九拎半日假, 因為連埋年三十同初一、二、三就可以連放五日大抖特抖, 但公司出咗memo話一定要初六開工, 咁就唔放年廿九囉~~
不過煩既係初六係星期六, 要買野拜神好煩, 所以諗住放假前就入定啲汽水等可以放過年既野, 咁開工個日就唔駛咁頻臨~~但根據我神婆性格, 當然有上網CHECK過好日子啦, 普遍都初四、初五、初七同初八至係開工既好日噃~~如果初六唔拜神, 推遲到初八至拜會唔會無咁好呢?

火羅爆

對香港樂壇頒獎典禮一向唔多大興趣, 因為現在有公信力的頒獎典禮不復存在~~
雖獨對TVB頒獎典禮有一點點興趣的是 -- 居然出現聽錯咗而搶獎的情況?真係今年頒獎禮笑話一則囉~~