尋晚返簿記, 發覺越黎越少人返學, 由之前幾乎坐滿班房到宜家有一大半空位, 可見啲同學真係買少見少~尋晚返學成晚都好似遊魂咁, 用埋計數機都計錯數, 可能坐唔慣啲學生枱櫈, 上完堂條腰好痛~下個星期四因為端午所以放假一天!不過再下個星期四要係堂上做個test, 佔30%架~好擔心~唔知有無得open book呢???
另外, 呢排成日發白日夢, 好想搵一間有花園既村屋住, 可能細細個就係圍村住, 加上外公外婆也是住圍村, 所以自己都好想搬去圍村住, 要有花園係因為mama好鍾意種花花草草, 最近經常會看的是村屋樓盤, 雖然自己無能力買, 但發下夢都可以嘛?!宜家唯有好不似實際咁望中六合彩啦~~
2009年5月19日星期二
初級簿記班~
唔經唔覺已經上咗三堂簿記啦, 唔知起未人老咗學野慢咗, 好多野都唔記得, 加上要記好多英文名詞吖~好彩啲基本格式都仲記得啫~其實我覺得簿記唔算難, 最難既反而係點樣理解啲問題, 因為啲問題有時會好轉彎抺角咁問你, 要去慢慢理解至得, 不過上咗三堂, 我仲未克服到上堂放蚊既習慣~hehe~~
上星期四既課堂係生日第二日, 個日本身好眼瞓吖, 到咗下晝更辛苦, 不過好彩無瞓著, 到咗四五點我係咁話好眼瞓好唔想返學吖~~但最後都係返咗學, 因為本身已經唔係好明, 我驚如果再走堂, 真係死得啦~不過個日返學得好少人咋, 平時有廿幾人, 個日得番十五人都無, 不過阿sir都無放慢腳步, 都教咗好多野吖, 仲俾咗好多功課我地做, 四條習作吖(我仲因為睇錯咗做多咗一題)~花咗我大半日至做得晒~希望下次阿sir唔好俾咁多功課我地做啦~~
仲有7堂就要exam~~
2009年5月13日星期三
Happy Birthday to me!!!
又一年啦, 又大一歲~
今日係我牛一吖!今年生日都過得好開心吖~~
尋日係舊曆生日, 係屋企同mama食咗一餐佢親手煮(其實每日都有煮架啦!)既好餸, 原本佢話請我出去食飯, 但我又唔想佢晒錢, 所以佢話係屋企煮一餐俾我食~~
今日中午同啲同事出咗去海趣坊食沖繩料理, 我食咗一個天婦羅冷烏冬(我一話食呢個即刻有幾個人都話一樣, 壽星女出聲係唔同啲噃), 好好味, 啲天婦羅都好多料, 雖然係炸既, 但都唔算油膩~正吖!
跟住下晝啲同事又買咗蛋糕同我慶祝, 真係好開心吖, 有呢班好好好好好既同事, 如果有一日我要離開呢度, 我諗我最唔捨係啲同事~
不過最驚喜係有一送咗份生日禮物俾我-大利是一封!(唔講名啦~)真係好surpries吖!因為連自己屋企人都無封生日利是俾我, 居然呢位同事會封利是俾我~雖然唔好意思, 但都好多謝佢吖!
夜晚約咗郭大小姐去銅鑼灣食飯, 唔講唔覺我上次出銅鑼灣係佢舊年十一月既生日, 出到去發現又唔同咗啦~人地話十年人事幾翻新, 我半年無出去咋!
原本我地話去食outback, 但尋日我又翻盤話之前唔係話去食California Pizza Kitchen咩?係我地三心兩意之下(女人係善變既......), 最後都係決定食California Pizza Kitchen, 呢間鋪頭係食通天十三樓, 都算大架, 裝修都幾靚, 原本我地book咗8點, 但因為7點半已經到咗所以就提早入坐, 我就揀咗Tortilla Spring Rolls(MEDITERRANEAN同BAJA CHICKEN)仲有The Original BBQ Chicken, 而郭大小姐就揀咗Chicken Tequila Fettuccine~~
Tortilla Spring Rolls(MEDITERRANEAN同BAJA CHICKEN)好好味, 有莎莎醬同埋牛油果醬, 我食咗好多牛油果醬吖!
The Original BBQ Chicken 個燒烤醬甜甜地辣辣地, 仲有芝士, 好正!不過個Pizza好難切吖, 食完隻右手虎口位有好痛!!
Chicken Tequila Fettuccine, 中地雷, 因為聞落已經好有泰國香料既味道, 酸酸辣辣咁, 點知食落真係好有泰國既味道, 仲好漏, 所以無食晒就放棄!
另外點咗coke light, 因為無限添加既關係, 所以飲到成肚水~
多謝郭大小姐請客~食完飯我地去咗無良買筆, 原本睇中咗一個袋, 超大架, 但又好似大過頭咁, 最後放棄咗~再之後去咗city supermarket, 只係買咗兩杯什果啫喱, 因為好多野屯門都有得買, 無謂咁辛苦出省搬返黎嘛~行到十點幾大家就分手各自回家, 去到灣仔碼頭好彩有一架960開車, 因為好眼瞓吖, 如果再叫我等車, 我諗我會瞓低~
今日真係過咗一個好開心既生日, 多謝我既好好好好同事同好好好好好朋友~
今日係我牛一吖!今年生日都過得好開心吖~~
尋日係舊曆生日, 係屋企同mama食咗一餐佢親手煮(其實每日都有煮架啦!)既好餸, 原本佢話請我出去食飯, 但我又唔想佢晒錢, 所以佢話係屋企煮一餐俾我食~~
今日中午同啲同事出咗去海趣坊食沖繩料理, 我食咗一個天婦羅冷烏冬(我一話食呢個即刻有幾個人都話一樣, 壽星女出聲係唔同啲噃), 好好味, 啲天婦羅都好多料, 雖然係炸既, 但都唔算油膩~正吖!
跟住下晝啲同事又買咗蛋糕同我慶祝, 真係好開心吖, 有呢班好好好好好既同事, 如果有一日我要離開呢度, 我諗我最唔捨係啲同事~
不過最驚喜係有一送咗份生日禮物俾我-大利是一封!(唔講名啦~)真係好surpries吖!因為連自己屋企人都無封生日利是俾我, 居然呢位同事會封利是俾我~雖然唔好意思, 但都好多謝佢吖!
夜晚約咗郭大小姐去銅鑼灣食飯, 唔講唔覺我上次出銅鑼灣係佢舊年十一月既生日, 出到去發現又唔同咗啦~人地話十年人事幾翻新, 我半年無出去咋!
原本我地話去食outback, 但尋日我又翻盤話之前唔係話去食California Pizza Kitchen咩?係我地三心兩意之下(女人係善變既......), 最後都係決定食California Pizza Kitchen, 呢間鋪頭係食通天十三樓, 都算大架, 裝修都幾靚, 原本我地book咗8點, 但因為7點半已經到咗所以就提早入坐, 我就揀咗Tortilla Spring Rolls(MEDITERRANEAN同BAJA CHICKEN)仲有The Original BBQ Chicken, 而郭大小姐就揀咗Chicken Tequila Fettuccine~~
Tortilla Spring Rolls(MEDITERRANEAN同BAJA CHICKEN)好好味, 有莎莎醬同埋牛油果醬, 我食咗好多牛油果醬吖!
The Original BBQ Chicken 個燒烤醬甜甜地辣辣地, 仲有芝士, 好正!不過個Pizza好難切吖, 食完隻右手虎口位有好痛!!
Chicken Tequila Fettuccine, 中地雷, 因為聞落已經好有泰國香料既味道, 酸酸辣辣咁, 點知食落真係好有泰國既味道, 仲好漏, 所以無食晒就放棄!
另外點咗coke light, 因為無限添加既關係, 所以飲到成肚水~
多謝郭大小姐請客~食完飯我地去咗無良買筆, 原本睇中咗一個袋, 超大架, 但又好似大過頭咁, 最後放棄咗~再之後去咗city supermarket, 只係買咗兩杯什果啫喱, 因為好多野屯門都有得買, 無謂咁辛苦出省搬返黎嘛~行到十點幾大家就分手各自回家, 去到灣仔碼頭好彩有一架960開車, 因為好眼瞓吖, 如果再叫我等車, 我諗我會瞓低~
今日真係過咗一個好開心既生日, 多謝我既好好好好同事同好好好好好朋友~
2009年5月4日星期一
Book-Keeping I
又放完三日假啦, 黎緊已經好少連續放既假期囉~
上星期四夜晚到咗明愛上堂, 報咗名讀"Book-Keeping I",雖然很多年前在暑假時曾經修讀, 但年代已久, 証書拎出去也未被認可吧, 趁現在的工作時間穩定, 所以決定再次進修。
其實要我再拎起書本真係下咗好大勇氣, 畢竟懶慣咗嘛, 但現今時勢太差啦, 金融海嘯, 自己所在行業前景不佳等都是逼迫我去進修既動力~希望可於出年報考LCCII(阿SIR話LCCI比較簡單, 如果可以最好報讀LCCII)啦!
星期四放工, 因離上堂時間尚有大段時間, 所以到了商務逛了一逛, 然後打算到時代廣場的M記進晚餐, 但上到去才知當天上午已是最後營業, 難怪那朝早M記的氣氛不太好, 以後早餐不再有M記可以省省了, 回公司吃麵算了。
到山景吃過M記再到山景明愛上課, 都有好多人報讀喎, 全班返學的有廿人左右, 派發了課本和功課, 今次上課比上一次讀時宜明白, 或者返到埋身掛, 加上又用電話錄咗音, 方便將來溫習用。不過平時慣咗九點幾開始想瞓既關係, 所以到咗課堂尾段都不停咁放蚊~HAHA~
上星期四夜晚到咗明愛上堂, 報咗名讀"Book-Keeping I",雖然很多年前在暑假時曾經修讀, 但年代已久, 証書拎出去也未被認可吧, 趁現在的工作時間穩定, 所以決定再次進修。
其實要我再拎起書本真係下咗好大勇氣, 畢竟懶慣咗嘛, 但現今時勢太差啦, 金融海嘯, 自己所在行業前景不佳等都是逼迫我去進修既動力~希望可於出年報考LCCII(阿SIR話LCCI比較簡單, 如果可以最好報讀LCCII)啦!
星期四放工, 因離上堂時間尚有大段時間, 所以到了商務逛了一逛, 然後打算到時代廣場的M記進晚餐, 但上到去才知當天上午已是最後營業, 難怪那朝早M記的氣氛不太好, 以後早餐不再有M記可以省省了, 回公司吃麵算了。
到山景吃過M記再到山景明愛上課, 都有好多人報讀喎, 全班返學的有廿人左右, 派發了課本和功課, 今次上課比上一次讀時宜明白, 或者返到埋身掛, 加上又用電話錄咗音, 方便將來溫習用。不過平時慣咗九點幾開始想瞓既關係, 所以到咗課堂尾段都不停咁放蚊~HAHA~
訂閱：
文章 (Atom)
