買到啦~~[我的低能大肚之道]&[我的低能旅行]

自從舊年大家姐借咗本馬仔既書俾我睇之後, 我就好鍾意佢啲書啦, 仲不時上佢個blog度睇佢啲新公仔同漫畫. 今年書展佢一次過出咗兩本書, 一本係[我的低能大肚之道]同埋[我的低能旅行]!

原本想托去書展既同事幫我買(有八折嘛), 但同事因事未能前去, 自己都有諗過不如自己去書展架, 不過度縮婆上身, 計過慳番都唔夠搭車, 所以就取消咗, 呢排都不停咁去書局睇下有得買未, 終於尋日有齊兩本啦, 因為[我的低能旅行]係幾薄既一本書(無計, 作者話有喜所以打消咗去旅行, 但佢又話畫咗啲好野所以照出),但支持得佢當然就買埋啦, 好彩大眾書局有九折~不過我雖然咁心急買咗, 但因為要睇買[太王四神記]先, 所以唯有擺埋一便先囉!

原本仲有一本林詠琛既小說想買, 但仲未有吖, 希望快啲出啦!!

(續) 七月雜談

1. 22/7是難得一見的日全蝕, 因地理關係香港只能看到日偏蝕.早上八時多說起不知可否看到日偏蝕, 但過了一會已忘了此事, 九時多, 茶姐突然間話可以睇到日偏蝕喎, 走了入會議室抬頭一看, 真的看到喎, 不過就很傷眼, 所以只用肉眼看了一會, 後來電王文哥借了燒焊用的焊鏡給我們, 看得清楚又不怕傷眼, 原本想拍下難得的一刻, 但手頭上沒有相機, 所以無計~RE的同事也走到樓下觀看~整個SITE也為之瘋狂!!後來十A阿文借咗埋黑色玻璃片給我, 用手提電話拍了兩張不算太好的相片, 加上當時太陽也已回復狀態, 但也很滿足了!!

(放大相片看得比較清楚......)

2. 23/7 是簿記的最後一課, 因為已經考過試, 所以對最後一課真的有點抗拒, 但又不能這麼早回家, 所以同J先生C小姐去咗荃灣五月花食放題, 由於店鋪人多的關係, 也等了半個小時有多, 大家都肚餓既關係, 所以就旋風手咁剔食物, 荃灣五月花同旺角五月花相比, 荃灣的分店好好多, 座位闊落, 空間很大, 不像旺角那麼逼~食物方面, 明顯比旺角快及準, 質素也好好多, 所以吃了很多~原本想逐一拍照給同事們看, 但因為要吃的關係, 只影了一部份咋~

七月雜談(唔係怪談吖!)

1. 看完了"太王四神記", 沒有遺憾是說慌話, 畢竟結局有太多迷團未解(我已經是看韓文版, 新電視播出的版本已cut得七零八落), 期望從台灣訂回來的小說能解開我的所有疑惑~現在在台灣博客來訂書比以前貴很多, 因為多了服務費(要買滿台幣1200才轄免), 訂了三本書, 要台幣1070(對換為$244), 但因為香港沒有賣, 貴少少都值得~(訂了才發現原來公共圖書館有得借, 激死!!)


2. 過去的星期六終於的起心肝重新執拾枱面，全因為太熱了, 嘗試將電腦螢光幕搬到一邊, 讓冷氣的冷風能直接吹到自己, 原本都不抱期望，但搬完之後真的涼好多，張枱都見駛咗，每日返工見到都好有滿足感。

3. 星期日凌晨莫拉菲襲港, 由一點多便狂風大作，窗戶都被風吹得作響, 真怕去年爆玻璃的事件重演, 幸好今年平安渡過! 今天上班發覺颱風過後問題多多，首先停電了，掌形機都不能使用只好叫人們簽名, 之後陸續恢愎電力, 發現掌形機仍然未能使用, 掌形機電腦螢光幕更是壞了，連忙找mon換, 但又不成功, 同事們又說直線用不了, 對家又話上唔到網同電話全部失靈, 走上走落多轉, 終於攪掂對家, 但自己那方面卻沒有進展, 最後call了維修公司來, 直到放工才恢復.

瘋狂換購

夏天特別多鋪頭推出換公仔的優惠, 7仔的小丸子, ok的史迪仔, 惠記的BEAR BEAR, 仲有M記的HELLO MIMI, 同事們太多熱忱於小丸子, 但我對小丸子一般, 反而上次去於迪士尼樂園睇完史迪仔對話之後, 鍾意咗史迪仔(最遺憾係個次無得同佢影相!!), 所以我就專攻史迪仔, 買咗百幾蚊野已有195分, 今日趁出去食晏, 去咗OK買汽水, 因為買一枝送多一個, 計過條數買六枝最抵(益下啲同事飲汽水haha), $40但有八個印花, 係餐廳同同事拆禮物咁, 居然一個廿分都無, 全部十分同五分, 幾時至俾我換到最大個隻公仔吖~~
M記的公仔, 我最鍾意係魔鬼造型那一個, 換唔換好呢?
提外話:下星期係簿記第十堂, 要考試啦, 後面個幾堂個心都好散, 所以要俾啲心機溫書至得~~(唔知係阿sir記錯定我地記錯, 佢話第十一堂至考試喎~)