星期四和媽媽出外食飯, 去了時代廣場地下的"好日子"酒家, 名字是很好聽, 但我想沒有下次了!一入去, 侍應好殷勤, 有一個部長級人馬既人問我: 你今日係未又黎試下冬瓜蛊吖?haha!我第一次黎食咋噃, 咁我好衰咁答佢:我第一次黎食, 所以唔知會唔會食冬瓜蛊~~無言......叫咗半隻燒鵝($48)其實佢上隻鴨定鵝都唔知架, 因為佢拎走咗個頭, 通常半隻鵝都應該連個頭, 兼俾人驗名正身嘛, 所以我好懷疑佢呢隻係鴨......
另外叫咗個黃金蝦, 即係咸蛋黃蝦碌($58), 一般, 啲蛋黃唔夠香, 原本叫咗一個蝦子燒豆腐, 侍應落單時聽錯係琵琶豆腐我已經同佢講係蝦子豆腐~碟豆腐上到枱, 食咗兩舊, 我好奇怪咁話點解咁似琵琶豆腐既?睇下張單, 原來個侍應真係落咗琵琶豆腐($55), 不過都食咗, 咁算啦!!食完仲有糖水, 連加一茶芥等埋單$198, 貴兼唔得, 好咸, 我同媽媽返去仲要肚疴, 攞命!!!
不過呢餐飯最大得益係我睇咗一個唔錯既節目, 叫"一屋買家", 當晚個集係講一個台灣家庭一週既生活同開支, 感覺不錯, 之後又找回頭兩集, 發覺真的不錯!現今小朋友物資充足, 零用錢亦不少, 家長如何教導小朋友要知慳識儉呢?經濟不景, 大家開支都減少, 又如何減少家庭支出呢?這個節目正正表達到這些題材, 大人小朋友都啱睇架~
簡介:
一 屋 買 家
監製 Executive Producer： 陳 曼 儀
都 市 人 營 營 役 役 ， 每 天 撐 著 睡 眼 上 班 ， 再 拖 著 疲 憊 的 身 驅 回 家 ， 然 後 月 尾 看 到 銀 行 存 款 的 餘 數 時 ， 總 是 以 埋 怨 終 結 ： 「 到 底 辛 辛 苦 苦 賺 來 的 錢 往 哪 裡 去 呢 ？ 」 即 使 最 精 明 的 消 費 者 ， 都 無 法 算 得 清 楚 ， 口 袋 裡 的 每 一 分 每 一 分 毫 流 到 什 麼 地 方 去 。
本 節 目 一 連 九 集 ， 追 訪 香 港 以 至 東 南 亞 國 家 、 地 區 ， 以 真 人 騷 的 輕 鬆 手 法 及 節 奏 ， 把 不 同 家 庭 的 每 個 細 節 、 每 項 隱 形 開 支 一 一 呈 現 鏡 頭 面 前 ， 再 為 他 們 製 作 週 終 結 算 。 到 底 何 謂 「 消 費 」 ？ 大 家 觀 看 完 畢 ， 不 妨 再 重 新 思 量 。
節 目 於 二 Ｏ Ｏ 九 年 七 月 二 十 三 日 起 ， 逢 星 期 四 晚 1900-1930 ， 無 綫 電 視 翡 翠 台 播 映
