“管家婆”？

最近自己一直反思自己是否適合做“管家婆”？
現在的工作職稱雖然是site clerk，但或多或少都要負責埋地盤既行政工作，例如人事出勤等！
越做得耐越覺得行政的工作真是一件難事，以前舊公司有位負責行政的同事，我們喜歡稱她為“管家婆”，顧名思義是公司的大小事務都要管，上至老闆吩咐下至買條廁紙都是她的負責範圍，管得那麼廣當然會惹來其他人的不滿！
但轉咗呢份工作真正接觸到行政方面的工作，才明白那舊同事的難處。因為職責所在，有些事情明知會阻礙他人的利益也要去處理，其他同事只會覺得你管太多，好麻煩！但他們卻從未想過他們的抗拒對於我而言是幾咁無奈！很多時同同事提及一些必須做而他們又不想做的事，在同事的角度中會覺得好少事，又或者用一種敷衍的態度回應完不久又故態復萌或者用另外的方法去對抗！看在眼裡既無奈又氣憤!!有時覺得真係好難做，好似夾心人咁！
點樣至可以做到唔違背自己職責而又唔會得罪同事既方法吖?

《盈警響號》0240.HK台灣建築合約或被終止

10月 28日 星期二 10:47 更新

0240.HK宣布，旗下一項台灣建築合約因延誤，有機會被業主終止，可能對集團業績造成不利影響。0240.HK表示，除中期報告披露虧損的1300 萬元外，預計投資錄得額外重大未變現虧損。

另外，由於林煒瀚業務繁忙，辭任非執行董事一職。

阿思達克財經新聞組

金融海嘯

最近香港都籠罩係黑暗暴風之下，特別係打工仔，要隨時驚飯碗不保!
其實呢個情況早幾年沙士時已嘗試過，剛畢業時就剛好經歷沙士做成的經濟危機~~
尋日同阿靜傾msn，佢同我講佢有個朋友被公司要求減薪20%(當然她的人工有番咁上下!!)，言明會cut 雙糧同bouns!因為阿靜的朋友是從事貿易，在各國經濟低迷的情況下一定會有影響，但估唔到咁嚴重!!
其實最近個人都好擔心中，雖然話黎緊會開第二期，但見到早前的情況，始終有點惶恐，加上早前同事S先生的一點對話，難免會聯想到自己是不是會被裁出來呢?
但近幾日已經想通了，擔心那麼多也沒用，有一天做一天才是上策吧?!

散水餅 by 泉哥

內有惡犬

同事J先生的房門原本是一隻飛翔的鷹，是他前老大的標誌，某日我們談笑中發覺鷹好似唔係好啱J先生既形象，QS-C小姐話應該搵張“內有惡犬”才對，最後在網上找了這張CUTE版的內有惡犬~~

最好笑係佢最底有一句“原諒本人如此無聊......啾”，我地個個見到都笑爆咀吖!!!

新歡舊愛

星期六放工返到屋企，瞓咗一陣就醒咗啦!因為約咗和記寛頻上黎裝機！！同日亦正式同用咗八年既網上行bye bye囉！！
由大專開始用so-net直到so-net俾網上行收購，唔覺唔覺都用咗八年，係呢八年間，網上行不停咁加價加價加價！但服務卻未見有改進，感覺上好似越黎越慢咁！直到和記寛頻打俾我話有個優惠俾我，我終於下定決心唔再用網上行！
其實轉用和記之後都有啲擔心，因為網上對和記既評語都普遍幾差，但轉都轉咗，唯有靜觀其變啦！
不過唔轉都唔知自己已經outdate，因為宜家唔再需要用電話插座而係要由天花板預設既位置拉線，我仲問師傅：仲要唔要插線落電話機座？點知佢話宜家唔駛架啦，插線落電話機座係好舊既做法！
之後師傅又話一開機就可以直接連線上網，你轉用唔同電腦都無問題！咁樣真係方便好多喎!因為我部notebook要每隔兩個月format一次才可以繼續享用試用既防毒軟件同埋Microsoft office，因為每次format完都要重新為上網做連線，但和記又唔駛喎!!
另外上網速度，和記話係30M，有啲人話好慢，但我個人黎講覺得OK!!有時仲覺得比網上行快啲!!
不過唔理好定唔好，都簽咗18個月約，但起碼平好多嘛!!
和記給於電話舊客戶的優惠：
1. 簽十八個月約(前9個月$198， 後9個月$99)(有啲人話貴， 但比起網上行$203， 算平掛?!)
2. 手提電話都係用3，每個月回扣$30)
3. 100分鐘wifi(只限用notebook用戶)
4. 半個月防毒軟件(一定要記得cut！過後每個月收你$18架！)

荒野棄嬰淒厲哭聲救命

誰 家 父 母 心 太 狠 ？ 一 名 仍 連 臍 帶 的 初 生 男 嬰 ， 被 狠 心 父 母 棄 於 屯 門 青 山 公 路 山 邊 草 叢 ， 由 於 他 全 身 赤 裸 ， 僅 得 紙 尿 片 遮 蔽 下 身 ， 致 被 蚊 叮 蟲 咬 遍 體 紅 腫 ， 昨 晨 男 嬰 淒 厲 哭 聲 ， 驚 動 在 附 近 工 作 的 三 名 路 政 署 外 判 工 人 ， 及 時 救 回 其 性 命 ， 三 工 人 並 充 當 保 母 ， 將 男 嬰 抱 入 懷 中 ， 以 及 脫 下 衣 服 讓 其 保 暖 ， 他 們 並 痛 斥 狠 心 父 母 「 冇 人 性 」 ， 即 使 要 拋 棄 親 生 骨 肉 ， 亦 不 應 棄 於 人 罕 至 的 山 邊 。 警 方 正 設 法 尋 找 男 嬰 的 親 生 父 母 ， 屯 門 警 區 重 案 組 接 手 調 查 。

文中的三位工人是我舊公司的同事(原本想放舊同事抱住BB的肉照，但露咗兩點，都係唔好啦!!!)，佢地真係好抵讚!!如果唔係佢地發覺咗個BB，睇怕呢個世界又多咗一個無辜不幸的BB了!!

深圳灣海岸城

星期天難得的想動身到深圳走一走，原本想去Wal-mark那一邊，但在網上看到很多網友提到海岸城也是不個不錯的地點，就決定去那兒走走!

由於自家樓下開了一條新的巴士路線往深圳，相比起以前要步行十至十五分鐘到另一個巴士站當然方便得多了!車程只需要半小時, 假日乘搭的人不是很多，車上有很多空位空了!!

過了口岸，便乘的士(原本在網上看到一架"8"的巴士，但因未去過不敢乘坐，怕不知在哪下車!)到海岸城, 不用10分鐘車程，￥15大元!!去到先在保利國際廣場逛了一圈，該處有家樂福及不少食肆 - 肯德雞、必勝客、潮江春、大漁鐵板燒、漢陽苑、可頌坊及巴西燒烤等!!另外有大型影院!!原本想去潮江春飲茶，但因人太多而卻步!最後決定多繞幾處看看!!走到外面原來保利國際廣場有天橋連接海岸城，到了海岸城其實和香港的商場真的差不多，也是有很多食肆，商店也有不少，是一個大型商場!食肆有中森名菜、查理布朗咖啡店、巴西燒烤、火間土、江南廚子、煨湯、扒房等...數之不盡!三心兩意之下選擇了號稱全亞洲最大的日本料理店 -- 中森名菜!!

中森名菜地方真的很大，不過空調很弱(識我既人都知我幾怕熱啦!!)，因此吃得頗為辛苦!!因為入內前有侍應派發了一些傳單，所以先點了兩個有特會的小菜~~

↓ 江戶前壽司(￥49) ↓ 鵝肝醬牛崧炒烏冬(￥13)(媽媽激讚!!!) 後來又加點了 ↓ 什錦天婦羅(￥68)及大蒽雞煲(￥38)~~ 其實今次好失敗既係我唔記得拎相機，又因為無帶電話將條電話線飛咗落媽媽部手提，所以無得影相，以上的照片都是從網上拿下來的!!

總括而言食物頗佳，特別欣賞大蒽雞煲，味道甜甜的而且它的薯仔超好吃!!埋單￥197，其實頗貴，不過在大陸吃飯，最無奈係紙巾同濕紙巾都會收費，你不用也會強硬收錢!!(所以拎走不要益商家吖!!

吃完飯後到了商場的吉之島逛街!買了不少東西!這裡的吉之島比香港屯門店大了不少，東西種類也很多!(以大陸商品最為便宜，日本及韓國進口的東西還是香港買便宜多了!)至於家樂福環境一般，空氣中有一股不太好聞的味道!!不過價錢比吉之島便宜~~

逛到四點多便離開，臨走前還到肯德雞買了北京雞卷(￥11)、墨西哥雞卷(￥11)及深海鱈魚堡(￥13.5)回家做晚餐!再由保利廣場乘的士(￥17)回深圳灣口岸，結束一天臨時的深圳行!!