近兩年我地自己site都無攪任何聖誕party, 都係出去LCK同大家姐個SITE既同事一齊慶祝!
不過今年特別啲既係因為九巴老細今年買咗新屋，所以佢BOOK咗新屋既Club house 等我地一班同事可以BB蕉。
既然有份食當然就要出番一份力啦，所以我地就幫手買BB蕉食物，燒烤前一日去咗美樂一間開咗好耐既燒烤店買野食，原本都唔知好唔好食架，不過佢可以係蝴蝶灣開業咁耐，應該都OK既!!幸好啲同事們食完都話啲食物醃得好好味!
BB蕉個日真係好頻臨吖，等埋C小姐返公司就同埋J先生一齊出咗去吉之島買野，因為C小姐同J先生都唔係咁熟路，所以就由我呢枝盲公竹帶路囉!發覺一早去吉之島超市真係好好行，因為平時都好多人，所以都無咩心機行，但一早既吉之島無咩客人，我地可以慢慢揀，仲比預訂既買多咗好多野吖!!買咗四百幾蚊野~~因為吉之島買滿四百幾蚊有兩小時免費泊車，去俾停車場時個小姐仲好好人話我地只係泊咗一個鐘，問我地想唔想再行下?一來要買既野已經買咗，二來要趕住返公司吖!返到公司已經十點半，再執埋啲手尾十一點鐘就出發去LCK囉~~
中途去咗三聖買海鮮，我地由最尾個檔開始行，行到去最頭第二間，發現最頭既鋪頭居然平過最入既鋪頭，原本只係想買兩斤中蝦，但見佢啲花蛤好靚咁，係有餘錢之下我地又買咗三斤花蛤，個老闆娘好鬼好傾!!
買齊野就揸車出去LCK囉，我地行三號幹線出去，我都係第一次揸車去遠過荃灣既地方，所以三號幹線唔係好熟路，就係咁心急之下入錯咗路口又上錯路口，最後去咗尖沙咀出口，跟住發現我地迷路囉~~好彩我前晚係屋企搵番以前買落既駕駛地圖，雖然行錯幾個路口，但最後都搵到路去老細屋企，如果唔係行錯路，我諗我地廿分鐘就可以到達~最後用咗35分鐘!!
好彩LCK都有準備食物，如果唔係淨係等我地個啲，就餓慘囉!!
老細新居花園真係好大好靚，BB蕉場地係一個大帳篷同埋一個鐵板式既燒烤爐，好多同事都到咗,仲認識咗南丫島既阿YING，佢對眼好大吖!!
今次燒野食好豐富吖，有新鮮蝦、花蛤、帶子、三文魚同其他肉食，大家都玩得好開心~~玩到三點幾會場夠鐘我地就返歸囉~~
首先車咗C小姐去TW，然後再車大家姐返屏山放低行李，返屏山行大欖隧道，又係第一次行咋，無咩車，好暢通!等大家姐放低咗行李我地就原車揸返去TM18暫泊，好好彩係去到TM18有同事車番我同大家姐去吉之島搭車(由TM18行去輕鐵站都幾遠)，架黃車就留係TM18等我放完假星期一至接番佢走囉!
估唔到一日行咗咁多自己未行過既路，雖然好驚但又覺得咁樣可以多啲駕駛經驗!
今次真係玩得好開心吖!當然最開心係今個聖誕節我要清假既關係，可以連放四日!!
最後，祝大家
Merry Christmas & Happy New Year!!
2008年12月22日星期一
十字架=黑妹
唔知點解每次戴親十字架造型既耳環都好黑仔, 以前有一對紅色既十字架耳環, 每次戴親都出事, 我以為係紅色唔旺我所致......上星期又買咗一對十字架耳環, 星期五一戴就出事啦!!
夜晚因為仔仔整到個地好污穢, 所以要拖地, 點知地下濕跣我一跣, 成個人向後跣低咗, 個頭仲撞到廁所門邊, 好彩無暈咋!!不過個頭好快起咗一層豪宅, 到宜家都仲赤赤痛!!仲有右手手踭都撞瘀咗~~
不過衰事當然會接二連三, 星期六返咗外婆家做冬兼同外公慶祝生日, 平時煮得幾好既師傅唔知係未個日人多心情唔靚, 煮啲餸勁咸~~最慘係我食完肚痛~~
星期日一早就醒咗, 諗住洗衫時至發現屋企無晒柔順劑, 諗咗好耐都係走落街買, 星期日我係好唔願意出街, 所以好多個星期日連街都無落過, 買完行返屋企先, 因為路面不平所以拗柴. 成個人趴咗係殊, 最慘係周圍仲要有人行, 超瘀吖~~~下晝左腳膝頭哥瘀晒, 右腳又拗柴, 今日隻腳都仲要趿下趿下!!
有見及此, 我立即換咗對耳環落黎, 雖然話發生呢啲事未必關對耳環事, 但寧可信其有嘛!!
唔知係未真係除咗對耳環既關係, 夜晚居然有好事發生?!
尋晚叫家郷雞做冬, 點知家鄉雞送多咗六件雞俾我地, 變相我地用百一蚊可以食一個價值$208既蜜蜜燒雞套餐!!今朝公司又出咗通告, 24/12同31/12可以放四點吖~~
可能我係邪教既人所以同十字架相沖相剋?
夜晚因為仔仔整到個地好污穢, 所以要拖地, 點知地下濕跣我一跣, 成個人向後跣低咗, 個頭仲撞到廁所門邊, 好彩無暈咋!!不過個頭好快起咗一層豪宅, 到宜家都仲赤赤痛!!仲有右手手踭都撞瘀咗~~
不過衰事當然會接二連三, 星期六返咗外婆家做冬兼同外公慶祝生日, 平時煮得幾好既師傅唔知係未個日人多心情唔靚, 煮啲餸勁咸~~最慘係我食完肚痛~~
星期日一早就醒咗, 諗住洗衫時至發現屋企無晒柔順劑, 諗咗好耐都係走落街買, 星期日我係好唔願意出街, 所以好多個星期日連街都無落過, 買完行返屋企先, 因為路面不平所以拗柴. 成個人趴咗係殊, 最慘係周圍仲要有人行, 超瘀吖~~~下晝左腳膝頭哥瘀晒, 右腳又拗柴, 今日隻腳都仲要趿下趿下!!
有見及此, 我立即換咗對耳環落黎, 雖然話發生呢啲事未必關對耳環事, 但寧可信其有嘛!!
唔知係未真係除咗對耳環既關係, 夜晚居然有好事發生?!
尋晚叫家郷雞做冬, 點知家鄉雞送多咗六件雞俾我地, 變相我地用百一蚊可以食一個價值$208既蜜蜜燒雞套餐!!今朝公司又出咗通告, 24/12同31/12可以放四點吖~~
可能我係邪教既人所以同十字架相沖相剋?
2008年12月3日星期三
病了??
自從星期六夜晚開始個人就唔係好舒服, 個喉嚨好痛同好乾, 而且把聲仲有啲拆!!所以第二日即刻沖咗好多杯柚子蜜飲, 好番咗啲, 但到咗星期一又開始唔舒, 夜晚仲咳到死死吓~~所以食咗好多喉糖~~星期二好番少少不過都係咳得好勢利, 最尷尬係彭生係我面前講野, 我又唔好意思咳, 所以忍到面都紅埋, 佢好奇怪咁望住我, 等佢一行開我即刻狂咳一輪!!
到咗尋晚真係好辛苦吖, 咳到瞓唔到, 因為一咳個人就醒咗, 成晚不停咁咳同醒, 最慘係瞓到半野覺得隻咗手好酸痛, 開頭以為壓住咗隻左手所以咁痛, 但又唔係, 痛到朝早起身都係好酸痛吖, 最慘係個頭又痛~~返到公司個人都無咩野, 一早八點幾就過咗去屯門十八車電王過黎(地盤寫字樓唔計老細得番我一個識揸車, 想唔過去都唔得!!)個人又唔係好舒服所以趁紅燈都會閉目養神, 返到黎又要幫人登記又要整信, 坐低唔夠一陣又話要車番電王過去, 個人出晒汗, 好唔舒服, 所以食晏時叮咗盒飯都無胃口食, 爬咗係殊同C小姐傾機, C小姐食完飯入返房我就忍唔住瞓囉, 瞓得唔好所以好似無瞓過咁!!起身叮返盒飯都係無胃口食, 最後食咗啲粟米片就食止痛藥, 食完藥個人都係好唔舒服, 原本同KMB先生講咗話想早走, 但最後都係留低(本身熄晒電腦), 諗住放工至返去睇醫生!可能止痛藥發揮功效所以個人精神咗啲同埋開始肚餓所以叮咗個米粉食, 但到咗四點幾又到隻右手酸痛, 可能感冒都唔定??
今日接咗幾通乞人憎既電話, 有同事爭財務公司數又飛條電話線去我枱頭, 攪到有收數佬打黎追數, 講晒粗口(尋日已經有), 一拎起電話就講粗口既我就立即CUT線, 如果佢話搵咩人我就講多句都唔講就直接飛入去~~
另外係有一通好古怪既電話, 一個女仔打黎搵Poyne(串埋俾我聽), 我話無呢個人, 根住佢話呢個人留咗呢個電話俾佢, 跟住佢問我呢度係咩公司, 我讀咗公司名俾佢聽, 佢問我點串?我答佢, 我地公司無你要搵既人, 唔係好方便俾公司資料你......未講晒個女仔已經cut咗線~~之後無再打黎!我同C小姐講番呢件事, 佢話如果係佢可能會串個公司名俾個女仔聽, 唔會好似我咁小心~~HAHA!証明公司之前既危機處理課程我係有聽書架!!
到咗尋晚真係好辛苦吖, 咳到瞓唔到, 因為一咳個人就醒咗, 成晚不停咁咳同醒, 最慘係瞓到半野覺得隻咗手好酸痛, 開頭以為壓住咗隻左手所以咁痛, 但又唔係, 痛到朝早起身都係好酸痛吖, 最慘係個頭又痛~~返到公司個人都無咩野, 一早八點幾就過咗去屯門十八車電王過黎(地盤寫字樓唔計老細得番我一個識揸車, 想唔過去都唔得!!)個人又唔係好舒服所以趁紅燈都會閉目養神, 返到黎又要幫人登記又要整信, 坐低唔夠一陣又話要車番電王過去, 個人出晒汗, 好唔舒服, 所以食晏時叮咗盒飯都無胃口食, 爬咗係殊同C小姐傾機, C小姐食完飯入返房我就忍唔住瞓囉, 瞓得唔好所以好似無瞓過咁!!起身叮返盒飯都係無胃口食, 最後食咗啲粟米片就食止痛藥, 食完藥個人都係好唔舒服, 原本同KMB先生講咗話想早走, 但最後都係留低(本身熄晒電腦), 諗住放工至返去睇醫生!可能止痛藥發揮功效所以個人精神咗啲同埋開始肚餓所以叮咗個米粉食, 但到咗四點幾又到隻右手酸痛, 可能感冒都唔定??
今日接咗幾通乞人憎既電話, 有同事爭財務公司數又飛條電話線去我枱頭, 攪到有收數佬打黎追數, 講晒粗口(尋日已經有), 一拎起電話就講粗口既我就立即CUT線, 如果佢話搵咩人我就講多句都唔講就直接飛入去~~
另外係有一通好古怪既電話, 一個女仔打黎搵Poyne(串埋俾我聽), 我話無呢個人, 根住佢話呢個人留咗呢個電話俾佢, 跟住佢問我呢度係咩公司, 我讀咗公司名俾佢聽, 佢問我點串?我答佢, 我地公司無你要搵既人, 唔係好方便俾公司資料你......未講晒個女仔已經cut咗線~~之後無再打黎!我同C小姐講番呢件事, 佢話如果係佢可能會串個公司名俾個女仔聽, 唔會好似我咁小心~~HAHA!証明公司之前既危機處理課程我係有聽書架!!
訂閱：
文章 (Atom)
