食......

同事Man到埃及honeymoon, 買了些手信回來~~
埃及的蕃茄薯片(看標誌應該是lay's吧?因為同事們都病體中, 唯有放在零食櫃~), 另外仲帶了一包埃及糖果給我們, 不過最好笑係佢一路分開包裝時一路話:我都未食過架, 應該會好難食架?!即時試咗少少, 嗯, 第一個味道 - 咸, 跟住係苦, 好苦~總括黎講, 真係唔好食架~

星期天在家中, 將之前整蛋糕買錯的忌廉(明明蛋糕材料無忌廉但唔知點解會買咗???)整咗簡單既木糠蛋糕, 只需要餅乾、忌廉及煉奶~因為頗肥的關係, 用了小杯裝, 一半放在冰箱當雪糕食~

激心

尋日真係好激心, 因為個同事實在太過份啦~~
佢平時訂野唔寫MR都算啦, 佢搵五金鋪幫佢提貨都唔緊要, 但佢搞到一塌糊塗, 叫人地出錢先, 口頭話會立即俾錢但人地同佢收錢就話無錢係身, 要人地入公司數, 又唔提五金鋪要問間出貨公司拎invoice同提貨單或叫間出貨公司俾invoice同提貨單, 攪到人地打黎話點解我啲同事咁樣做野~~
同佢講番佢訂貨應該要點做時(佢做得仲耐過我, 我都唔知一次同佢講個程序), 佢淨係識話下次黎我俾番錢佢囉,我唔覺有咩問題喎!以後五金鋪啲貨送咗黎要補MR, 你俾番我補囉(因為佢每次訂野都係打電話俾五金鋪落, 永遠唔會寫咗MR先, 叫佢寫MR先, 就話唔知樣貨叫咩, 唔知人地搵唔搵到)! 如果我以後落ORDER之前寫咗MR, 咁之後我係未咩都唔駛理, 你幫我跟晒吖?
真係好好好好好激心, 平時佢做野無手尾, 啲野亂晒籠都唔緊要, 但有問題就覺得自己無問題, 一係就推晒落人地度, 同佢解釋尋日單野, 佢淨係識話我覺得無問題, 唔明你想講咩喎?
佢叫人幫佢提貨無問題, 人地當佢租街車, 但佢自己應承咗人話會見貨俾番錢人, 點知又無俾到, 五金鋪想出INVOICE俾我地, 但人地話無提貨單無INVOICE, 點出吖?同埋佢叫五金鋪提貨及付款前又唔通知聲, 如果到時出貨間公司又出一張INVOICE俾我, 而我又唔知情咁上咗單找多咗一次數, 咁又點算?不過我都知同佢講佢都會覺得無問題, 因為佢完全同佢前老大一樣, 鍾意點就點?平時推卸責任, 賴得就賴都算, 但今次真係好過份~~
平時成日話啲料急用, 下下要我車佢出去買, 但見佢買咗番黎攤係度幾日都唔用, 成日朝早晏返就話自己去咗買料, 拎料, 但又唔見佢話同我收錢, 平時其他啲同事話佢做野有問題我都會幫口, 但我自己都頂唔順佢, 以後仲點幫口~

* 27/3 今朝大家姐同我傾過, 都好多謝佢既幫忙, 因為呢啲野其實唔應該煩到佢, 但佢都咁落力幫我解決, 鍚晒佢吖~不過唔知係未我個人惡過平日, 同事終於懂得打完電話立即上來補MR, 不過他FAX了上P. dept, 但有進步好過沒進步嘛~

吹水篇~~

哈哈~已經諗唔到可以用咩標題啦, 所以用吹水篇黎做標題, 簡單易見, 純粹老吹~~
星期六晚約咗幾位同事到旺角東大門自助燒烤, 因為返半日既關係, 所以我又返咗屋企先, 始終出去玩樂前都要服侍下家中老犬嘛~不過我都好爭取時間, 瞓咗幾個鐘, 由二點瞓到五點, 起身整落飯俾仔仔就出街啦, 自己搭巴士去旺角, 原本我仲諗住自己會早到......點知自己係最遲一個, 真sorry啦!其實旺角區我一向都好少去, 少到認唔到路個種, 所以落車時為咗搵港鐵站, 都兜咗一個大圈~真係好一個旺角路盲.
去到東大門樓下同等我既C小姐仲有I小姐(公司A/C)就一齊上去, 幾位男仕已經係上面等位~雖然我地一早卜咗位, 但因為人太多所以都要等, 不過東大門效率幾高, 真係八點俾到枱我地~坐底就叫野食囉, 叫到一枱都係, 男仔一個爐, 女仔一個爐, 至於手勢, 更係我地高章啲啦~~仲要服侍埋班男仕, 因為東大門唔係自己出去拎, 係由廚房送上, 廚房衛唔衛生唔知, 但比起其他自助韓燒黎講, 感覺好啲, 因為其他自助韓燒要自己拎野食, 好多時啲人會係啲食物面前同朋友講野, 咁啲口水......大家明啦~所以今次都食得好飽, 食完就各散東西囉, 我就返咗屋企, 原本I小姐問我行唔行一陣街吖, 但因為太怕係旺角行街啦, 人多車多, 所以就返歸做"宅女"囉~
跳過星期日, 一
尋日星期二, 上晝照常工作, 下晝去九龍灣聽講咗, 係公司留到一點鐘就搭車出海翠坊買午餐, 之後搭259D出去, 因為未搭過既關係, 所以一早上咗九巴check咗啲路程, 明明九巴網話259D會係屯門泳池做屯門最尾一個站, 之前聽同事L先生講都係, 但尋日架車過咗屯門泳池唔係上公路, 而係去咗市中心, 當時我心諗, 唔係搭錯車吖, 好彩過咗市中心架車就顯示出九龍, 如果真係搭錯車就麻煩囉, 因為出到去早咗既關係, 我就去咗馬莎買野, 發現馬莎啲服務好咗好多, 因為我買既野可以半價多一件, 所以啲SALES見我只拎住一件, 就埋黎同我講可以半價多一件, 但因為我唔想買咁多, 所以買一件就算~之後由德福I期行去建造業議會訓練學院, 好鬼遠吖, 又唔熟路, 好彩自己一早印咗地圖, 去到都係14:40左右, A小姐都未到, 咁就唯有自己入去霸位先, 係等LIFT時遇到一個人, 好熟面口, 咁佢同我打招呼, 我又同佢打招呼, 但又唔記得係邊一個, 上到去見到東涌既SHIRLEY, 我又問佢頭先個個人好熟面口, 但佢都唔知噃, 傾到15:20至開始講咗, 後尾A小姐黎到我又問佢, 個個人係未自己同事, 原來真係噃, 諗諗下好似上次上公司學EXCEL時一齊架, 又係叫SHIRLEY, 就係咁公司三個叫SHIRLEY既同事聚首一堂~之後16:00個講座就完咗啦, A小姐話不如一齊食野啦, 跟住就去咗美心, 大家食下野傾下機, 食到咁上下就閃人囉, 不過好唔好意思吖, 帶住A小姐遊花園, 兜咗個大圈~好彩九龍灣有巴士可以直接去到我屋企樓下, 唔駛再轉車咋~
不過尋日聽講座, 遇到一個最唔想遇見既人, 舊公司既"衰人", 如果係遇到其他舊公司既同事, 我諗我會好開心咁打招呼, 但遇到呢啲只識攪風攪雨同屈人既人, 我真係見到唔想見到吖~

Man Wedding

尋晚出席咗公司同事的婚禮~
時晚假座沙田的京都宴會廳舉行，因為尋日返半晝既關係，所先返屋企抖陣先，原本公司啲同事好有興緻去唱K，但因為我確定時已經太晏囉，所以就唔去啦，不過見佢地都玩得好開心咁噃~希望下次有機會再一齊去唱過啦~
約咗J先生,N先生同T先生一齊係沙田新城市廣場才一起到酒樓，因為七月公司ANNUAL DINER已經食過一次，所以都知頭知路，入去時尚早，我地坐既酒席都未開，所以同東涌啲同事坐埋一齊，傾下機先~同新人影咗相就入席囉，席間食物不錯，大家都食得開心。
宴會中間少不免有司儀介紹下對新人同埋播啲片段，同以前去既唔同，無咩玩新郎新娘既遊戲，亦無幸運大抽獎，反而播了新人早上出門、註冊及朋友對他們的祝福，所以都好溫馨，我個人黎講反而鍾意咁，因為現時啲婚禮太多遊戲節目，反而唔能夠專心食野。
同一般飲宴一樣，十一點左右完結，同T先生一齊搭263返屯門，等咗好耐吖，架車仲要爆晒，大家係車入面傾下公司，傾下頭先飲宴既既，不過因為太攰啦，所以都有瞌下眼瞓。
返到屋企十二點左右，梳洗完就瞓囉~
不過唔知係未冷親，成晚都好頭痛，今朝八點幾醒咗，食咗粒止痛藥再瞓返，但仲係好頭痛，最後隔咗幾個鐘又啪咗兩粒再瞌咗一陣，終於好番啲~