吹水篇~~

哈哈~已經諗唔到可以用咩標題啦, 所以用吹水篇黎做標題, 簡單易見, 純粹老吹~~
星期六晚約咗幾位同事到旺角東大門自助燒烤, 因為返半日既關係, 所以我又返咗屋企先, 始終出去玩樂前都要服侍下家中老犬嘛~不過我都好爭取時間, 瞓咗幾個鐘, 由二點瞓到五點, 起身整落飯俾仔仔就出街啦, 自己搭巴士去旺角, 原本我仲諗住自己會早到......點知自己係最遲一個, 真sorry啦!其實旺角區我一向都好少去, 少到認唔到路個種, 所以落車時為咗搵港鐵站, 都兜咗一個大圈~真係好一個旺角路盲.
去到東大門樓下同等我既C小姐仲有I小姐(公司A/C)就一齊上去, 幾位男仕已經係上面等位~雖然我地一早卜咗位, 但因為人太多所以都要等, 不過東大門效率幾高, 真係八點俾到枱我地~坐底就叫野食囉, 叫到一枱都係, 男仔一個爐, 女仔一個爐, 至於手勢, 更係我地高章啲啦~~仲要服侍埋班男仕, 因為東大門唔係自己出去拎, 係由廚房送上, 廚房衛唔衛生唔知, 但比起其他自助韓燒黎講, 感覺好啲, 因為其他自助韓燒要自己拎野食, 好多時啲人會係啲食物面前同朋友講野, 咁啲口水......大家明啦~所以今次都食得好飽, 食完就各散東西囉, 我就返咗屋企, 原本I小姐問我行唔行一陣街吖, 但因為太怕係旺角行街啦, 人多車多, 所以就返歸做"宅女"囉~
跳過星期日, 一
尋日星期二, 上晝照常工作, 下晝去九龍灣聽講咗, 係公司留到一點鐘就搭車出海翠坊買午餐, 之後搭259D出去, 因為未搭過既關係, 所以一早上咗九巴check咗啲路程, 明明九巴網話259D會係屯門泳池做屯門最尾一個站, 之前聽同事L先生講都係, 但尋日架車過咗屯門泳池唔係上公路, 而係去咗市中心, 當時我心諗, 唔係搭錯車吖, 好彩過咗市中心架車就顯示出九龍, 如果真係搭錯車就麻煩囉, 因為出到去早咗既關係, 我就去咗馬莎買野, 發現馬莎啲服務好咗好多, 因為我買既野可以半價多一件, 所以啲SALES見我只拎住一件, 就埋黎同我講可以半價多一件, 但因為我唔想買咁多, 所以買一件就算~之後由德福I期行去建造業議會訓練學院, 好鬼遠吖, 又唔熟路, 好彩自己一早印咗地圖, 去到都係14:40左右, A小姐都未到, 咁就唯有自己入去霸位先, 係等LIFT時遇到一個人, 好熟面口, 咁佢同我打招呼, 我又同佢打招呼, 但又唔記得係邊一個, 上到去見到東涌既SHIRLEY, 我又問佢頭先個個人好熟面口, 但佢都唔知噃, 傾到15:20至開始講咗, 後尾A小姐黎到我又問佢, 個個人係未自己同事, 原來真係噃, 諗諗下好似上次上公司學EXCEL時一齊架, 又係叫SHIRLEY, 就係咁公司三個叫SHIRLEY既同事聚首一堂~之後16:00個講座就完咗啦, A小姐話不如一齊食野啦, 跟住就去咗美心, 大家食下野傾下機, 食到咁上下就閃人囉, 不過好唔好意思吖, 帶住A小姐遊花園, 兜咗個大圈~好彩九龍灣有巴士可以直接去到我屋企樓下, 唔駛再轉車咋~
不過尋日聽講座, 遇到一個最唔想遇見既人, 舊公司既"衰人", 如果係遇到其他舊公司既同事, 我諗我會好開心咁打招呼, 但遇到呢啲只識攪風攪雨同屈人既人, 我真係見到唔想見到吖~

Man Wedding

尋晚出席咗公司同事的婚禮~
時晚假座沙田的京都宴會廳舉行，因為尋日返半晝既關係，所先返屋企抖陣先，原本公司啲同事好有興緻去唱K，但因為我確定時已經太晏囉，所以就唔去啦，不過見佢地都玩得好開心咁噃~希望下次有機會再一齊去唱過啦~
約咗J先生,N先生同T先生一齊係沙田新城市廣場才一起到酒樓，因為七月公司ANNUAL DINER已經食過一次，所以都知頭知路，入去時尚早，我地坐既酒席都未開，所以同東涌啲同事坐埋一齊，傾下機先~同新人影咗相就入席囉，席間食物不錯，大家都食得開心。
宴會中間少不免有司儀介紹下對新人同埋播啲片段，同以前去既唔同，無咩玩新郎新娘既遊戲，亦無幸運大抽獎，反而播了新人早上出門、註冊及朋友對他們的祝福，所以都好溫馨，我個人黎講反而鍾意咁，因為現時啲婚禮太多遊戲節目，反而唔能夠專心食野。
同一般飲宴一樣，十一點左右完結，同T先生一齊搭263返屯門，等咗好耐吖，架車仲要爆晒，大家係車入面傾下公司，傾下頭先飲宴既既，不過因為太攰啦，所以都有瞌下眼瞓。
返到屋企十二點左右，梳洗完就瞓囉~
不過唔知係未冷親，成晚都好頭痛，今朝八點幾醒咗，食咗粒止痛藥再瞓返，但仲係好頭痛，最後隔咗幾個鐘又啪咗兩粒再瞌咗一陣，終於好番啲~

獻給我的好友

看著你和他相識以來, 對我吐了不少苦水, 我不知為何你會執著於他, 即使他的自私, 忽略了對你的關懷, 他家人對你的刻薄, 都令身邊的朋友們替你委屈, 作為朋友立場當然希望你不再執著於他。
但感情事是兩個人的事, 要如何解套主宰的是你的心, 你要看清楚自己的心的走向, 將來是好是壞無人知曉, 但作為朋友的我會在你身邊支持你的!為你送上:-


梁靜茹 - 別再為他流淚
妳走了太久一定很累
他錯了不該妳來面對
離開他就好就算了
心情很乾脆
他其實沒有那麼絕對
遠一點妳就看出真偽
離開他不等於你的世界會崩潰
轉個彎妳還能飛

就別再為他流淚
別再讓他操控妳的傷悲
就算有一點愚昧一點點後悔
也不要太狼狽
他不值得妳的淚
把那遺憾丟在大雨的街
妳曾在迷失的旅途中盲目追
以後為自己醉

每段感情都非常珍貴
他的好妳就放在心扉
記得有個人曾讓妳那樣的心碎

妳笑了照亮夜幕的黑
什麼夢都不比妳的美
多少年以後想起他還有些體會
那些妳已無所謂

就別再為他流淚
別再讓他操控妳的傷悲
就算有一點愚昧一點點後悔
也不要太狼狽他不值得妳的淚
把那遺憾丟在大雨的街
妳曾在迷失的旅途中盲目追
以後為自己醉

就別再為他流淚
別再讓他操控妳的傷悲
就算有一點愚昧一點點後悔
也不要太狼狽

他不值得妳的淚
把那遺憾丟在大雨的街
妳曾在迷失的旅途中盲目追
以後管他是誰

黑潔明 - 魔影魅靈系列

很愛很愛看小說, 買手機時, 我最主要考慮是否有"電子書"的功能, 因為我有很多小說要看, 但很少用買的, 通常是上網找,再存於手機內, 所以手機能看小說是很重要的(於題目無關, haha)~
最近連續幾天看了黑潔明的魔影魅靈系列, 暫時有四本, 她的這個系列每年只出一套上下冊左右, 和一般的談情說愛不同, 它加入了不少魔怪妖魅的話題, 每次看完新的一本就會不其然找回之前那幾本再看一次, 回味書中提過的前書情節, 因為真的很吸引人.其他小說很少會用妖魔鬼怪作為提材, 始終言情小說該帶點夢幻色彩吧, 而這個系列的小說反而帶點血腥, 亦因為這幾本小說的不同, 反而更吸引我看完再看~
「相思修羅」,「彼岸花」, 「饕餮戀」及「鬼夜叉」四本中，每本都是環繞幾千年前一個君王為取得天下而將自己國家的巫女(同父異母的妹妹)獻及魔物，令巫女每逢月圓便會被這班魔物吃肉飲血，而為了得到巫女的血肉的長期供應，因此對她施展了不死咒，很殘忍，最後巫女逃走後亦入魔成為了妖女, 並對那些對她有仇的人報復，但幾千年後，巫女開始後悔自己的所作所為，遂協助那些因她而失和的情侶可以再續前緣，以消除自己的罪孽，以求救贖。
最可惜的是到現在都未有巫女澪的專屬故事，希望可以快啲有啦!

喜歡逼人太甚的人

其實行政工作是否一份令人討厭的工作?對我個人黎講其實我頗為喜歡做行政的工作, 可能因為我有管家婆的性格, 但就算幾喜歡也會有令人討厭的地方，那就是你的付出，總有人只會視為理所當然，漠視或者不滿挑剔，卻沒有看到你付出的一面。
自問對她多加容忍，但為何要一而再再而三咁在其他地盤抵毁我?
(吐完,舒服晒!)

職業司機篇

今日真係驛馬星動, 周圍走未停過~
朝早返去, 管工問我地今日要唔要用車, 我因為晏晝可能要過十八幫手, 所以一定要留車, 跟住管工唯有叫我車佢地去十八拎第二架車出去, 咁就第一轉啦!
之後返黎做工表, 做文件, 點知hr打黎話下晝想我過十八幫手print報表, 我話知道吖,跟住佢話print唔到報表好慘吖, 日薪都未計, 我都明佢既苦處, 因為今日廿號啦~正常十六號要上日薪既工表, 但電腦壞咗都無計!跟住佢話要MIS既同事落去幫手整電腦, 但無人可以車佢, 咁我多口話, 唔搵我幫手既, 點知佢即刻話如果可以最好你幫下手, 咁我又唯有走上沙田(我會唔會諸事過頭?)車個同事落去十八, 返到屯門都十二點半, 原本約咗同事們吃飯, 最後我叫佢地幫我買KFC, 我就留係十八夾時間接佢地一齊返地盤.第二轉啦!
返去三十八既途中, TOTO話想我一陣車佢過十八拎磚仔模, 急用!衰仔, 頭先又唔早啲出聲~返到黎好猴急咁食完份午餐, 做咗一啲信, 就車咗TOTO過十八!順便睇下整電腦既情況, MIS同事話最少要一個鐘後, 唯有返三十八先啦!第三轉!
跟住五點幾要過去十八車返今朝去CWB做野既同事返地盤, 第四轉, 過到去同管工講, 你揸返去啦, 今日揸咗好多轉, 好攰吖, 佢話我:咁你知我地係出面踩足成人幾辛苦啦!
一日走四五轉, 好似職業司機咁~不過因為咁樣, 至發現原來公司派信既同事真係勁, 因為佢一日走晒香港九龍新界, 仲要不停咁上上落落, 佩服佩服!

儲蓄

最近很認真的在儲錢, 說來慚愧, 出來工作都有5-6年, 但自己一向月月清, 很大使, 每個月都會買啲唔知有咩用既野~加上之前要清還政府既貸款, 更是入不敷出.
自從舊年十月還清所有貸款後, 終於可以有餘錢了, 每個月一半薪金做了家用, 只餘下另一半作自用, 供款, 我和母親的八達通, 上網等費用也不少. 所以盡量將淨下的錢小心使用, 雖然儲得不多, 但已經算比以前月月清既情況好好多了!
始終現在金融風波之下, 工作未必有所保障, 自己多儲一個錢, 將來有甚麼事也可以安心小小吧!