碎碎念

2009.06.08-2009.06.14

2009.06.08
1. 早上和大家姐傾了一些嚴肅的問題, 對於現狀真的不知可以做甚麼, , 其實我從來不會覺得自己有幾重要或無可取替, 我只是做一日和尚敲一天鐘, 做好自己本份便滿足, 我現在做一日得一日罷, 最煩惱的是覺得自己是否應該前境不明的情況下將公司的一些物資先搬回家?(因為我真係當咗呢度係第二個家所以放咗好多野係公司吖~~)

2. 下午兩點多Auditor來到, 與預期中的多人, 有五位耶~~兵慌馬亂的找文件, 看著S先生走出走入, 自己也只能盡力替他找文件, 但有些畢竟年代已久, 希望不會有太多nc~~

3. 星期六買了張三T, 但自己唔識架, 現正煩惱如何對彩票???

4. 對於梅窩居民反對正生書院在梅窩建校, 其實我覺得正生書院是一間好正面既學校, 從電視訪問中完全不覺他們的學生有問題, 並覺得能幫助迷途的學生返回校園, 如果正生書院希望在屯門設校我一定支持~

2009.06.10
1. 今天有十仔拎咗一大箱荔枝俾我地, 每人分咗一袋, 三粒荔枝一把火, 都係少食為妙囉~~呵呵

2. 中午到蝴蝶村吃日本菜, 吃了一個日式鍋燒烏冬, 好好味, 不過熱咗啲~~食完飯去咗惠康入貨, 買咗好多不良食物, 公仔麵加罐頭, 睇怕第一次同我地去買野既光哥會俾我地呢兩個女仔嚇親~~

3. 係美心買咗一個奶皇流沙包及一個朱古力流沙包(肥死~~), 原本想留番聽朝早餐, 但剛剛忍唔住食咗個奶皇流沙包, 真係好流沙喎, 不過咁亦表示好多牛油, 但真係好好食, 食到好香蛋黃味吖~~

2009.06.12
1. 尋晚好唔想上堂吖, 爭扎咗好耐, 最後敗於猜情尋之下, 唯有認命返學!!六四時做了一個堂上功課, 尋日派卷, 原本覺得自己一定會肥佬, 但居然合格噃, 成績仲幾ok, 25分滿分有18.5分, 開心!!!

2009.06.14
1. 早上被手機吵醒, 原來是二舅母打來說外公進了急症室, 當時才早上八時, 立即起床並喚醒媽媽, 因為外公曾經做過搭橋手術, 所以身體已大不如前, 而暈眩症狀去年也試過了一次. 換了衣服飛的趕到屯醫, 發現外公躺在醫院走廊的臨時病床, 二舅父和外婆坐在椅子上等著, 原來外公已經入院一個小時多, 不知是因為忘了帶身份証而不被看診, 還是因為由二舅父自己送外公入院, 因此不被急著處理, 但對屯醫的做法真的很氣人, 難道他們以為一個八十三歲的老人家可以偷渡下來?何況外公本身在屯醫做手術, 醫院應該有他的記錄, 要一個老人家躺在冷冷的急症室等待一個多小時, 居然護士醫生也沒人理會, 真是過份!最後二舅母替外公取來了身份証再到登記處, 發現沒有外公的登記記錄, 媽媽也過去跟護士說外公本身有心臟問題, 找了一輪才發現是屯醫搞錯了資料, 害外公一直未能看診, 當重新處理再排隊見醫生, 時間已過了二個小時.因為外公不適不願吃東西, 連外婆也吃不下, 做子孫的我們當然也沒心情, 做了診治抽了血, 又要等待一個小時, 最後外公七時四十分入院, 十一時半才離開醫院, 幸好外公只是耳水不平衡而暈眩, 醫生開了藥便可回家, 送了他們上生舅父的車子後我和媽媽也回家, 渡過了緊張混亂的星期天早上.