(放大相片看得比較清楚......)
今天明報的頭條新聞是六個紀律部隊打算上街遊行，讀後只有「震驚」二字可以形容我的感覺。據聞他們是因為政府遲遲不落實「紀律部隊職系架構檢討報告書」的建議，要上街表達意見云云。
那麼這份報告書說了什麼，讓他們這麼興奮？有興趣的請按此細閱。這份由紀常會（紀律人員薪俸及服務條件常務委員會）負責的檢討報告書，主要建議是加添增薪點，以及把薪級表簡化；簡單來說，就是讓一些本來到了頂薪點的公僕可以繼續加薪。不熟悉公務員增薪制度的朋友，可能不知道我們這些人民公僕每年除了跟隨市場趨勢調整薪酬外（當然大部份時間是加薪），還可以不論表現向上跳一個增薪點（所謂「跳 Point」），享受大約三個百分點左右的增薪。所謂增加增薪點，就是把頂點提高，於是沒有能力晉升的，依然可以年年加薪，讓我們這些在外面風大雨大的商業世界「捱騾仔」的小市民恨得牙癢癢。2009.06.15-2009.06.21
2009.06.16
1. 正生書院問題越熱越烈, 但細心一諗, 我們在支持正生之餘, 真的忽略了梅窩居民的憂慮. 畢竟正生不是一間正規的學校, 加上梅窩居民有自己的需求, 但願雙方可以站在對方立場多想一想, 因為香港可以辦正生書院的地方不多, 因有他自己的規限, 但尋晚看了新聞, 原來長洲也有正生書院, 島上的居民也十分支持及認可正生書院, 可見正生書院的學生不像一般人想像的差. 人誰無過, 但這班小朋友肯自我改過, 社會大眾也應以諒解支持的態度看待吧?!
2. 政府問責官員減薪, 猶記得早幾個月前, 某高官(忘了是誰?!!)直言官員減薪對整個經濟改善沒多大幫助, 但現在卻說減薪, 是自打嘴巴還是希望在七一前做一點東西來抒解市民情緒?其實我覺得減幅真的沒用, 政治助理十幾萬一個月減幾千(估計七~八千, 許多香港市民工作一個月也只是這個數而已), 高官都係萬幾二萬, 不如唔好減, 費事佢地減5.38%但出面啲機構會跟風減5%. 對於佢地十幾萬黎講減5.38%小之又小, 但如果小市民俾人減5%真係痛到入肉架.加上出面啲機構, 小職員及高層都要共同減薪, 只是減薪幅度不同, 但政府只有問責官員減薪, 一年才節省五百萬, 和沒減有何分別?!
2009.06.19
6月18日, 我兩年前入職這間公司的日子, 估不到這麼快便兩年了, 還記得當時毅然決定離開舊公司真的很徬徨, 因為自己天生勞碌命, 好怕一直都搵唔到野, 但好好彩既係遞咗信無耐就獲得現職公司安排見工並很順利的聘請了, 現職公司的同事都好好, 記得落地盤見工時, 係見大家姐, 佢好好人, 而阿太亦都好nice, 令我對現職公司有很大的信心~其實現職公司的工作和之前的公司比, 真的唔那麼繁忙, 但因為好多事都是之前未做過既, 所以要重新學起, 幸好同事們都很體諒我好肯教我同幫我.真的好多謝呢班好同事!!
尋日亦係做apprisal既日子, 係呢間公司第二份啦~呢一份apprisal有少少驚喜, 比舊年還要進步(舊年已經高分啦, 今年仲高)~舊年同今年係唔同上司寫架, 能得到兩位上司既認同, 真係好過中六合彩(UN......我都係好想中六合彩架!)希望仲有機會係呢間公司做第三份Apprisal, 第四份......
2009.06.20
半天工作的星期六, 不停咁痴label, 好快又到放工!中午和同事到百利飲茶, 吃了不少, 好飽!原本預訂今天放工後去剪頭髮, 食飽之後又不想去了, 最後交給輕鐵決定, 如果第一班到的車是610便去剪頭髮, 如果是615/615P就返屋企, 最後黎咗610, 咁就順應天意去剪頭髮, 沒有太多人, 剪完之後又後悔剪得太短, 很難紥辮!剪完頭髮行了一會圖書館及商店便回家, 很熱的一天!
2009.06.22
尋晚真係好辛苦吖, 話說我下晝六點幾已經開始覺得個頭好痛, 都食咗止痛藥, 可能係因為我洗完頭又唔吹乾所致, 到咗臨瞓前都仲有小小頭痛, 諗住可能係之前啲藥力仲未發晒, 但瞓到半夜點幾鐘, 個頭好痛吖, 痛到爆個種, 所以又起身食咗兩粒止痛藥, 到咗兩點幾仲係好頭痛, 個胃仲開始唔舒服, 可能因為我空腹食藥所致, 忍咗好耐終於忍唔住入咗廁所嘔, 之後個胃舒服啲, 但個頭仲係好痛, 最後忍住頭痛瞓著咗, 朝早因為太眼瞓, 所以最後都係無搭到公司車, 瞓多半個鐘去屯門碼頭搭車, 成朝個人都wing wing地咁~~
除咗一啲現成既醃制食物, 河馬仲醃咗蒜茸雞翼、豬扒及佢新發明既泰式酸辣雞翼, 因為我個人比較懶既關係, 所以即場試過燒雞翼, 但後尾拎咗啲返屋企, 第二日焗黎食仲好正喎~GOOD吖~
玩到八點幾因為其中一個同學要出番元朗, 咁我地都咁車出去囉, 臨走前河馬同河馬太仲燒咗一啲野食拎番去俾媽媽試下佢啲手勢, 所以成為咗尋晚既晚餐一部份~我仲約好咗佢地, 叫佢地冬天黎我屋企打邊爐, 等我招呼返佢地~
唔知係未個日飲得太多茶既關係(一樽大津路烏龍茶&一樽500ML道地極品烏龍茶), 居然失眠吖, 眼光光典到三、四點至瞓得著吖, 慘~
放假最後一天, 原本預訂同媽媽入流浮山行下, 因為好多年都無入過去啦, 但朝早十點幾(其實個陣時至瞓得最諗)媽媽話青姨打黎問我地返唔返深圳灣行下, 原本興趣不大架, 因為想瞓覺吖, 不過如果我唔去媽媽又話唔去, 所以一定要做陪客~十一點幾上到去, 去咗南山郵局既春滿園飲茶, 因為尋日唔係中國假期既關係, 上面無咩人行, 條街都好少人咋, 不過去到酒樓仲要等位, 見到間酒樓有好多海鮮吖~上到去由姨丈一家發板, 食物水準真係唔錯, 四個大人兩個細路都係180左右, 今次堅持由我地請客, 因為每次上去食飯都姨丈請, 自己個心唔係咁安樂架~ 
食完行番去沃爾瑪, 中途去咗一個商場, 入面既超市好靚架, 不過貨物就比較少囉, 所以我都無買到野, 之後去到沃爾瑪, 買咗三大盒濃湯寶, 仲有咖啡, 另外買咗香蕉百力枝同抺茶慕絲百力枝, 最特別係買咗美極即沖湯, 以次香港都好興架, 不過宜家都好難搵到囉, 所以買咗幾包番香港, 尋晚即刻整咗酸辣湯, 2.8一包湯粉, 都唔會要求高, 不過拎黎煮烏冬都唔錯架~
就係咁, 唔經唔覺就放咗四日假, 黎緊五月又連續放三日啦~正吖~
